بە پێی راپۆرتی ئاژانسی هەواڵی مێهر، ئایەتوڵا خامنەیی رێبەری باڵای ئێران لە پەراوێزی ڕێورەسمی رۆژی نمام خو چاندن لە ئێران، ئاماژەیان دایە بابەتی ژەهراویی کردنی هەندێ قوتابخانەی وڵات و جەختیان کرد بە جیدی دەبێ پێوشوێنی ئەم پرسە بگیردرێت و هۆکارانی سزا بدرێن.
ڕێبەری ئەمرۆ دووشەمە لە حەوشەی نووسینگەکەی خۆیدا نمانی چاند.
ئایەتوڵا خامنەیی لەو ڕێورەسمەدا رایانگەیاند ئەگەر بە گوێرەی دروشمی ئەمساڵی رۆژی نمام چاندن واتا هەر ئێرانییەک سێ نمام، کار بکرێت به ماوەی چوار ساڵ، یەک‌ملیارد نمام دەچێندرێت.
وتیشیان: بە بۆچوونی کارناسان، دەبێ جگە لە داری میوە، داری دارستانیی بچێندرێت چونکوو چێوەکەی سووری ئابووری هەیە بۆ وڵات.
راشیانگەیاند: دەرئەنجامی ئابووری تاک بەرهەمی ، دۆخی ئێستای وڵاتە کە کێشەی بۆ بایەخی دراوی نەتەوەیی وڵات و هەڵاوسان و گرانی ساز کردووە.
ئایەتوڵا خامنەیی بە ئاماژە بە هەوڵی بەرپرسان بۆ چارەسەریی کێشەکان وتیان: بەرپرسان دەبێ لە هەموو رێگایەکی ئابووری بۆ چارەسەری کێشەی خەڵک کەڵک وەرگرن.
رێبەری جەختیشیان کرد کە پاراستنی ژینگە یەکێکە لە خاڵە گرینگەکانی یاسای بنەرەتی وڵات و هیچ‌کەس بۆی نییە ئەم یاسا پێشێل بکات.
لە کۆتایشیدا ئاماژەیان دایە ژەهراوی بوونی قوتابیان و جەختیان کرد بەرپرسان و دەزگا زانیاری و ئینتزامیەکان بە جیدی ئەم بابەتە پێوشوێن بگرن .
وتیشیان: ئەمە جەنایەتێکی گەورەیە و نابێ پشت گوێ بخرێت و ئەگەر کەسانێ دەستیان هەیە لەم کارەدا بە توندترین شێوە سزا بدرێن و هیچ بەخشینێک نایانگرێتەوە.
Your Comment